වර්තමානයේ පාසල්වල ආගමික අධ්‍යාපනය පිිරිහී ඇති බව අගරදගුරු මැල්කම් රංජිත් කාදිනල්තුමන් පවසයි.
එතුමන් මේ බව සඳහන් කළේ හංවැල්ල ප‍්‍රදේශයේ පැවැති උත්සවයකින් අනතුරුව මාධ්‍ය වෙත අදහස් දක්වමින්.
එහිදී වැඩි දුරටත් පෙන්වා දුන්නේ මෙම අධ්‍යාපන ක්‍රමය තුළ ආගමික අධ්‍යාපනයක් ලබානොදී දරුවන්ව අනාගමික පරිසරයකට ගෙනගොස් ඇති බවයි. ආගමික විනය පාසල්වලින් බැහැර කර දේශපාලනික විනය පාසල්තුළට ඇතුළු කර ඇති බවටද සඳහන් කළේය.
කාලයක් තිස්සේ විවිධ ආණ්ඩු හරහා මෙම ක්‍රියාවලිය සිදුව ඇති බවයි අගරදගුරුතුමන් පෙන්වා දෙන්නේ. මේ හේතුවෙන් අද ශ්‍රී ලංකාවේ දඩබ්බර සමාජයක් නිර්මාණය වී ඇති බවද පවසූ එතුමෝ මෙය වෙනස් කළ හැක්කේ දරුවන්ගේ අධ්‍යාපනය පිළිබඳ මනා පසුවිපරමක් සිදු කිරීමෙන් බවද සඳහන් කළේය.