හන්තාන හා නකල්ස් රක්ෂිතය පිළිබදව මේ වන විට ඇතිව තිබෙන අර්බුදය පිළිබදව දිස්ත්‍රික් ලේකම් කාර්යාලය මගින් වහාම වාර්තාවක් කැඳවන ලෙස ජනාධිපති මෛත්‍රීපාල සිරිසේන මහතා ඊයේ (5) කැබිනට් මණ්ඩලයට උපදෙස් දී තිබේ.
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති ලේකම් කාර්යාලයේදී ඊයේ (5) පැවැති කැබිනට් මණ්ඩල රැස්වීමේදී ජනාධිපතිවරයා මේ බව දැනුම් දී ඇත.
නකල්ස් රක්ෂිතය විකිණීමේ සූදානමක් ඇතැයි පරිසර සංවිධාන ගෙන යන විරෝධයේ කිසිදු සත්‍යතාවක් නැතැයි මේ පිළිබඳ අදහස් දක්වමින් ඇමැති කබිර් හෂීම් මහතා කැබිනට් මණ්ඩලයට දීර්ඝ පැහැදිලි කිරීමක් කර ඇත. ඒ අනුව නකල්ස් රක්ෂිතය සංවර්ධනය කරන ලෙස දේශීය ව්‍යාපාරිකයන්ට දී තිබෙන අතර එහි තණබිම්වල වගා කිරීම සඳහා වගාකරුවන්ටද අවස්ථාව ඇතැයි කබිර් හෂීම් මහතා එහිදී පැහැදිලි කර ඇත.