දුම්වැටි, මත්පැන් ආදියට වඩා තෙල්, සීනි, ලුණු සෞඛ්‍යයට අහිතකර බව සෞඛ්‍ය ඇමති රාජිත සේනාරත්න මහතා ස්වර්ණවාහිනියේ පැවති දේශපාලන වැඩසටහනක් අමතමින් පවසයි. ඒ මහතා වැඩි දුරටත් පෙන්වා දුන්නේ දුම්වැටි, මැත්පැන් වලින් රෝගී වන ප්‍රමාණයට වඩා වැඩි පිරිසක් තෙල්, සීනි, ලූණු නිසා රෝගී තත්වයට පත්වන බවයි.
මේ නිසා දුම්වැටි මත්පැන් ආදියට පනවා ඇති බදුවලට වඩා වැඩි බද්දක් තෙල්, සීනි, ලූණු සඳහාද පැනවිය යුතු යයි ඔහු කියා සිටියේය.
මේ අතර පාරිභෝගික අයිතීන් සුරැකීමේ ජාතික ව්‍යාපාරය පසුගියදා මාධ්‍ය ප්‍රකාශයක් නිකුත් කරමින් පවසා සිටියේ පොල් තෙල් වලට ෆාම් තෙල් මිශ්‍ර කර විකිණීමේ මහා පරිමාණ ජාවාරමක් රට පුරා ක්‍රියාත්මක වන බවයි. ඒ පිළිබදව සොයා නොබලන බලධාරීන් පොල් තෙල් සෞඛ්‍යයට අහිතකර බව කියමින් මිළ වැඩි කිරීමට සූදානම් වන බවයි ඔවුන් චෝදනා කරන්නේ.