කඩුගන්නාව හේනාවල ප්‍රදේශයේ සිදුවූ රිය අනතුරකින් පළාත් සභා හා පළාත් පාලන රාජ්‍ය අමාත්‍ය ශ්‍රීයානි විජේවික්‍රම මහත්මිය ඇතුලු තිදෙනෙකු අද (15) අලුයම තුවාල ලබා රෝහල් ගත කොට තිබේ.
අම්පාර ප්‍රදේශයේ සිට කොළඹ දක්වා සිය රථයෙන් ගමන් කරමින් සිටියදී අලුයම තුනට පමණ කඩුගන්නාව ප්‍රාදේශීය රෝහල අසල දී වාහනය මාර්ගයෙන් ඉවතට පැන අසල වූ නුග ගසක ගැටීමෙන් රාජ්‍ය අමාත්‍යවරිය, ආරක්ෂක නිලධාරියා සහ රියදුරු තුවාල ලබා ප්‍රතිකාර සදහා පේරාදෙණීය ශික්ෂණ රෝහලට ඇතුලත් කොට තිබේ.
ඔවුන්ගේ තත්ත්වය බරපතල නොවන බව රෝහල් ප්‍රකාශකයෙකු සදහන් කළේය.
සිද්ධිය සම්බන්ධයෙන් කඩුගන්නාව පොලීසිය වැඩිදුර පරීක්ෂණ පවත්වයි.