මැතිවරණ පොරොන්දුවක් ඉටු කරමින් ඇමරිකානු ජනාධිපති ඩොනල්ඩ් ට්‍රම්ප් මෙකසිකෝ ඇමරිකානු දේශසීමා වෙන් කරන තාප්පය ඉදිකිරීම සදහා නියෝග කර තිබෙන බව විදෙස් මාධ්‍ය වාර්තා කර තිබෙනවා.
ඒ අනුව එරට ආරක්ෂක අමාත්යංශය විසින් මේ සදහා සැලසුම් සකස් කිරීමට පියවර ගන්නා බවයි New York Times පුවත්පත වාර්තා කර සිටින්නේ. අනවසර සංක්‍රමිකයන් මෙක්සිකානු දේශසීමා හරහා ඇමරිකාවට ඇතුල්වීම නැවත්වීම සදහා මෙම පියවර අත්‍යවශ්‍ය සාධකයක් බව ඩොනල්ඩ් ට්‍රම්ප් මැතිවරණය අතරතුර අවධාරණය කර සිටියා.
කෙසේ වෙතත් ට්‍රම්ප්ගේ තීරණයට තමන් රටේ සහය හිමි නොවන බවට මෙක්සිකෝ ජනාධිපති එන්රික් පෙනා නීටෝ ප්‍රකාශ කර ඇති බවද පවසන විදෙස් මාධ්‍ය වාර්තා පවසයි.
ට්‍රම්ප් පවසන්නේ, සීමා මායිම් නැති බිමක් රටක් නොවන බව ය. ඒ අනුව අමෙරිකාවේ දේශසීමා ආරක්ෂා කිරීම සඳහා නව සංක්‍රමණික නිලධාරීන් 10,000 ක් බඳවා ගන්නා බව ද ඔහු ප්‍රකාශ කර තිබිණි.