පසුගිය 18 වැනි දා පාර්ලිමේන්තු මන්ත්‍රී මහින්දානන්ද අලුත්ගමගේ මහතාට කුණුහරපයෙන් බැනීම ගැන විදුලි සංදේශ හා ඩිජිටල් යටිතල පහසුකම් ඇමැති හරීන් ප්‍රනාන්දු මහතා කතානායක කරු ජයසුරිය මහතා ඉදිරියේ අද (25) සමාව ගත්තේය.
කතානායක විසින් පැනැවෙන ඕනෑම දඬුවමකට යටත් වන බවද ඔහු කීවේය.
සමාව ගැනීමට ඔහු ගත් තීරණය අගය කරන බවත් ඔහුගේ එම ක්‍රියාව නිසා ඔහුට එරෙහිව ක්‍රියා නොකරන බව ද ජයසුරිය මහතා කීවේය.
පරිපුරක ඇස්තමේන්තුවක මුල් ඡන්ද විමසීමේ දී ඇති වු කලබලයට සම්බන්ධ මන්ත්‍රීන් ද මෙලෙස සමාව ගත හොත් ඔවුනට එරෙහිව ක්‍රියා නොකිරිමට ඉඩ ඇතැයි ද කතානායක පැවසීය.