මන්ත්‍රීවරයෙකුව සිටියදී තමාද පාර්ලිමේන්තු සභ ගර්භයේදී පහරකෑමකට ලක්ව ඇති බව ජනාධිපති මෛත්‍රීපාල සිරිසේන මහතා පවසයි.
පාර්ලිමේන්තුවේදී ඇතිවූ ගුටිබැට හුවමාරු සම්බන්ධයෙන් ඊයේ හොරණ රාජකීය විද්‍යාලයේ පැවති උත්සවයක් අමතමින් ජනාධිපතිවරයා මේ බව කීය.
“මම නම් කාටවත් ගහලා නැහැ. මටනම් ගහලා තියෙනවා පාර්ලිමේන්තුවේදි. ඒ කාලේ ආණ්ඩු පක්ෂ මන්ත්‍රීවරයෙක් මට එකවරම පහර දුන්නා. වසර කිහිපයකට පස්සේ මම ඇමතිවරයෙක් වෙලා ඉන්න කාලේ ඒ මන්ත්‍රීවරයා මගේ අමාත්‍යාංශයට ආවා මාව හොයාගෙන ඔහුගෙ පෞද්ගලික කටයුත්තක් වෙනුවෙන්. පසුගිය ජනාධිපතිවරණයේදිත් මට ඒ ගහපු මන්ත්‍රීවරයා මාව ජනාධිපතිවරයෙක් කරන්න මහන්සි වෙලා වැඩ කළා.” යනුවෙන්ද සඳහන් කළා.
පාර්ලිමේන්තුවේ ගෞරවය රැක ගැනීමට සියලු මන්ත‍්‍රීවරුන් ක‍්‍රියා කළ යුතු බවද ජනපතිවරයා එහිදී පැවසීය.