රටේ මීළග ජනාධිපති වීමට රනිල් වික්‍රමසිංහ මහතාට හැකියාව ලැබේවායි තමන් ප්‍රාර්ථනා කරන බවත් ඇමති අකිල විරාජ් කාරියවසක් කවදා හරි දවසක මෙරට අගමැතිවරයා වන බවත් සංචාරක හා ක්‍රිස්තියානි කටයුතු අමාත්‍ය ජෝන් අමරතුංග මහතා පවසයි.
අමාත්‍යවරයා මේ බව පැවසූවේ ඊයේ (23) කෝට්ටේ පැවති උත්සවයකට එක් වෙමින්.
රනිල් වික්‍රමසිංහ තම වගකීම් නිසි ලෙස ඉටු කරමින් පක්ෂය ඉදිරියට ගෙන යන බවත් , ඔහුට ඉදිරියේදී මේ රටේ ජනාධිපති වීමට හැකියාව ලැබේවා යැයි ප්‍රාර්ථනා කරන බවත් , එසේම අධ්‍යාපන ඇමති අකිල විරාජ් කාරියවසම් කවදා හරි දවසක මේ රටේ අගමැති වන බවත් පැවසූ අමාත්‍යවරයා සදහන් කළේ නව ව්‍යවස්ථාව හරහා අගමැතිවරයාට සියළු බලතල ලැබීමට ඉඩකඩ පවතින බවත්, අමාරුවෙන් ලබා ගත් මේ සම්මුතිවාදි ආණ්ඩුව ආරක්ෂා කර ගැනීම සියළු දෙනාගේම වගකීමක් ද වන බවයි.