Colombo Today Local NewsTop Stories

පොලිස්පති හැංගුණු තැන ගෙදර මායියාද නොදනී!!! නාඩගමකින් කෝලමකට හැරුණු පොලිස් නාටකය

අපරාධ පරීක්‍ෂණ දෙපාර්තමේන්තුව විසින් පොලිස්පති දේශබන්දු තෙන්නකෝන් මහතාගේ බිරිඳගෙන් ප්‍රකාශයක් සටහන් කරගෙන තිබේ.

මොහොතකට පෙර අසන්නට ලැබුණු අලුත්ම පුවතින් කියැවුණේ පොලිස්පති දේශබන්දු තෙන්නකෝන්ගේ බිරිඳ සහ පුත්‍රයා හෝකන්දර පිහිටි සිය නිවසට යළි පැමිණ ඇති බවත්, ඔවුන් නැවත පැමිණි බව සැලවීමත් සමග අපරාධ පරීක්‍ෂණ දෙපාර්තමේන්තුව විසින් එහි ගොස් පොලිස්පති බිරිඳගෙන් ප්‍රකාශයක් සටහන් කොට ගෙන ඇති බවත් ය.

තම සැමියා සිටින ස්ථානයක් තමන් නොදන්නා බවට, එම ප්‍රශ්නකිරීම් හමුවේ ඇය ප්‍රකාශ කොට තිබෙන බව පුවත් වාර්තා උපුටා දක්වයි.

නැවතද මතක් කළ යුතු කරුණ වන්නේ පොලිස්පති අතුරුදන් වී අදට දින 15ක් බවයි.

ඔහු සැඟවී සිටින ස්ථානය ගැන මේ වනවිටද ආන්දෝලනාත්මක කටකතා පළ වෙමින් තිබේ. ඒ සියල්ල කේන්ද්‍රගත වන්නේ එකම ස්ථානයක් කරාය.

පොලිස් කෝලමෙන් ආණ්ඩුව සළු වෙයිද? දුෂ්ඨයා හිටපු පොලිස් ඇමතිද?

අන්තරේ හිටපු කැඳවුම්කරු සහ ජන අරගල සන්ධානයේ සාමාජිකයෙකු වන වසන්ත මුදලිගේ ඊයේ මාධ්‍ය අමතමින්, පොලිස්පති අත් අඩංගුවට ගැනීමේ ක්‍රියාදාමය තුළ විද්‍යාමාන වන ආණ්ඩුවේ නොහැකියාව බරපතල ලෙස විවේචනයට ලක් කළේය.

පොලිස්පති සොයා සාගලගේ ගෙට පැන්න පොලිසියට ටිරාන්ගේ නිවස සෝදිසි කිරීම කළ නොහැක්කේ මන්ද යන කාරණය ඔහු සෘජුව ප්‍රශ්න කළ අතර ඒ සම්බන්ධයෙන් Colombo Today අපටද ආණ්ඩුව පිළිබඳ ප්‍රබල විවේචනයක් තිබෙන බැව් කිව යුතුමය.

හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍රද මෙම කාරණාව සම්බන්ධයෙන් ඊයේ පැවති මාධ්‍ය හමුවේදී ප්‍රබල විවේචනයක් කළේ මේ අයුරිනි.

කෙසේ වෙතත් ගෙදර මායියාටත් හොයාගන්න බැරි තැනක හැංගීම යනු කරන්න අපහසු වැඩක් නොව, කරන්න බැරි වැඩක් බව ලියුම්කරුගේ හැඟීමයි. ඒ අතින් දේශබන්දු තෙන්නකෝන් යනු වැඩ්ඩෙක් නොව සුපිරි වැඩ්ඩෙක් බව නොකියාම බැරිය.

එසේම, නාටකයකින් නාඩගමකට හැරී කෝලමක් දක්වා දුරදිග ගොස් තිබෙන දේශබන්දුගේ මේ සළු පාලිය ළඟදීම අවසානයක් කරා යන ලකුණු පිළිබඳ කුඩා ඉඟියක් ඔහුගේ බිරිඳ සහ පුත්‍රයාගේ මේ හදිසි ආගමනයෙන් පිළිබිඹු වේ යැයි අපි සිතමු. මන්දයත් මේ හින්නික්කිතර රටේ සදාකාලයට හැංගී සිටීම හීනයක් පමණක් බැවිනි.

නැවතද මතක් කොට ලියමි.

පොලිස්පති දේශබන්දු තෙන්නකෝන් සැඟවී අදට හරියටම දින 15කි. ආණ්ඩුව තවමත් ප්‍රශ්නය හෝද හෝදා ආතල් ගනී.

සටහන – Chalana

Related posts

ශ්‍රී ලාංකිකයින් 62ක් කුවේට් රාජ්‍ය‍යෙන් පිටුවහල් කරයි

Admin

භික්ෂුවට හා කාන්තාවන් දෙදෙනෙකුට නිරුවත් කර පහරදුන් පුද්ගලයින් වහාම අත්අඩංගුවට ගන්න – මහජන ආරක්ෂක ඇමතිගෙන් නියෝගයක්

colombotoday

එක්සත් ජාතීන්ගේ “වධ කදවුරු” චෝදනාවට හමුදා නිලධාරීන් තිදෙනෙක් අත්අඩංගුවට !

colombotoday

ශ්‍රී ලංකා ධජය සහිත පාපිස්නා ගැන චීනයේ ප්‍රතිචාරය

colombotoday

මාර්ගගත (Online) ක්‍රමවල සුරක්ෂිතභාවය පිළිබඳ පනත් කෙටුම්පත ගැසට් කෙරේ…

Admin

නාවික හා සමුද්‍රිය කෞතුකාගාරයේ තිබූ රුවල් නැවට ගිනි තියලා

Admin