විදේස් ගතව සිටින තම පුත්‍රයා බැලීමට සිය බිරිඳ ගුවන් තොටුපලට ඇරළවීමට රාජ්‍ය අමාත්‍ය ප්‍රසන්න රණවීර පසුගිය 14 වැනිදා අලුයම කටුනායක ගුවන්තොටුපලට පැමිණ තිබූ අතර රාජ්‍ය අමාත්‍යවරයා ගිනි අවි රැගත් සිය ආරක්ෂක නිලධාරීන් සමඟ ගුවන් තොටුපලට ඇතුළුවීමට ගිය අවස්ථාවේදී ආරක්ෂක අංශ නිලධාරීන් රාජ්‍ය අමාත්‍යවරයාට පවසා ඇත්තේ ඇතුළුවීම සඳහා ප්‍රවේශ පත්‍රයක් මිලදී ගන්නා ලෙසයි.
එමෙන්ම, ගිනි අවි ඉවත්කර ගුවන් කොටුපල වෙත ඇතුළුවන ලෙසද ආරක්ෂක අංශ විසින් රාජ්‍යය අමාත්‍යවරයාගෙන් ඉල්ලීම් කර ඇති බව වාර්තා වනවා.
එහිදී එතුමා කලහකාරී ලෙස හැසිරෙමින් ආරක්ෂක අංශ නිලධාරීන්ට බැණ වැදි ඇති බවත්, ඒ අසල සිටි පෝටර්වරයෙකු ලෙස රැකියාව කරනා වයෝවෘද්ධ ගුවන්තොටුපොළ සුළු සේවකයෙකූටද පහරදි ඇති බවයි වාර්තා වන්නේ.
රාජ්‍ය අමාත්‍යවරයාගේ බිරිඳ රැගෙනවිත් තිබු ගමන්මලු කිහිපයක් ප්‍රවාහනය සඳහා අදාළ පෝටර්වරයා වෙත ලබාදුන් මුදල ප්‍රමාණවත් නොවන බව පැවසීම හේතුවෙන් එළෙස පහරදීම සිදුකර ඇති බව පැවසේ.
අදාළ පහරදීම එහි තිබූ cctv කැමරාවක ද සටහන්ව තිබෙන නමුත් රාජ්‍ය අමාත්‍ය ප්‍රසන්න රණවීර කියා සිටියේ එවැනි පහරදීමක්ද සිදු නොවු බවයි.