ඊශ්‍රායලය තම ගොඩබිම් ප්‍රහාර, මධ්‍යම ගාසාවේ සරණාගත කඳවුරු දක්වා විහිදුවා ඇති බව විදෙස් මාධ්‍යය වාර්තා කර තිබේ.
ගත වූ දින කිහිපයේ ඊශ්‍රායල ප්‍රහාරවලින් බුරෙයිජ්, නුසෙයිරාත් සහ මාගාසි කඳවුරුවල දුසිම් ගණනක් මිනිසුන් මිය ගිය බව වාර්තා වුණු අතර, එය එක්සත් ජාතීන්ගේ සංවිධානයේ දැඩි කනස්සල්ලට හේතු වී ඇත.
ඛාන් යුනිස් නගරයේ ද තවමත් දරුණු සටන් පැතිර ඇති අතර, පලස්තීන ජනාධිපතිවරයා මෙම තත්ත්වය, යුද්ධයකින් ඔබ්බට ගිය සමූල ඝාතනයක් ලෙස අර්ථකථනය කර තිබේ.
හමාස් පාලනය යටතේ පවතින සෞඛ්‍ය අමාත්‍යාංශය සඳහන් කරන්නේ, පසුගිය පැය 24 තුළ අවම වශයෙන් පුද්ගලයන් 195 දෙනෙකු මිය ගොස් ඇති බවයි.