අද (02)දින සිට පළාත් මට්ටමින් වැඩ වර්ජන ක්‍රියාත්මක කිරීමට රජයේ වෛද්‍ය නිලධාරීන්ගේ සංගමය තීරණය කර තිබේ.
එහි මාධ්‍ය ප්‍රකාශක වෛද්‍ය චමිල් විජේසිංහ මහතා සඳහන් කරන්නේ, ඌව පළාතේ සියලු රෝහල් සහ සෞඛ්‍ය සේවා ස්ථානවල මෙම වැඩ වර්ජනය ක්‍රියාත්මක බවයි.
මෙහිදී එම ප්‍රදේශයේ සියලු දෛනික සේවාවන් අඩාල වන බව ද මාධ්‍ය ප්‍රකාශකවරයා වැඩිදුරටත් පැවසීය.
අද (02) උදෑසන 8.00 සිට මෙම වැඩ වර්ජනය ක්‍රියාත්මකයි.
හදිසි ප්‍රතිකාර සේවාවන්, මාතෘ රෝහල්, ළමා රෝහල්, පිළිකා ප්‍රතිකාර ඒකක හා වකුගඩු ප්‍රතිකාර ඒකකවල මෙම වැඩ වර්ජනය ක්‍රියාත්මක නොවන බවත් ඔහු වැඩිදුරටත් සඳහන් කළේය.