කුරුණෑගල, මල්ලවපිටිය ප්‍රදේශයේ පිහිටි නිවසක අපවිත්‍ර ජලය බැහැර කිරීමට සකස් කර ඇති ගලි වළක් තුළ සඟවා තිබූ ගිනි අවි දෙකක් රම්බෝ පිහි තොගයක් ඇතුළු උපකරණ රැසක් කුරුණෑගල කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් සොයාගෙන තිබේ.
රිවෝල්වර වර්ගයේ ගිනි අවියක්, ගල්කටස් වර්ගයේ ගිනි අවියක් රම්බෝ වර්ගයේ පිහි හතක්, අඟල් හතක් පමණ දිග වක් පිහියක්, කුඩා ප්‍රමාණයේ යකඩ මූනිස්සම් ග්‍රෑම් 420,බඹර 12 වර්ගයේ ගිනි අවි උණ්ඩ දෙකක්, ජිල් බෝල 84 සහ රතිඤ්ඤා කරල් දහයක් එහි තිබී සොයාගත් බව පොලීසිය කියයි.
නිවස අලුතෙන් මිලදීගත් පුද්ගලයකු ගලි වල තුළ සැකකටයුතු පාර්සලයක් තිබෙනු දැක ඒ බව පොලිසියට පැමිණිලි කර ඇත.
එම පැමිණිල්ල අනුව පොලීසිය එහි ගොස් මේවා සොයාගෙන තිබේ.