Colombo Today Local News

ව්‍යාජ ලිපි පෙන්වා කොළඹට ඇතුළු වන අයට වසර 5ක සිරදඩුවම්

කොළඹ රැකියා කටයුතු කරන ස්ථානවලට තමා කැඳවා ඇතැයි ව්‍යාජ කැඳවීමේ ලිපි පෙන්වමින් කොළඹ නගරය ඇතුළු තදාසන්න නගරවලට පැමිණෙන පුද්ගලයන්ට නිරෝධායන නීති කඩකිරීමේ චෝදනාව යටතේ වසර පහක් දක්වා සිර දඬුවම් ලබාදීමේ නීති ප‍්‍රතිපාදන ඇතැයි පොලිස් මාධ්‍ය ප‍්‍රකාශක නියෝජ්‍ය පොලිස්පති අජිත් රෝහණ මහතා පැවැසීය.

මෙම පිරිස් ඉදිරිපත් කරන ආයතනවලින් නිකුත් කළ බව කියන සියලූම ලිපි ජංගම දුරකථනවලින් මාර්ග රාජකාරී කටයුතු කරන පොලිස් නිලධාරීන් විසින් ඡායාරූප ගෙන ඇති බවත්, පසුව රාජකාරී කරන ස්ථානවල මෙම පිරිස් රැකියා කරනවාද යන්න ගැන සොයා බලන බවත්, ඔවුන් එම ස්ථානවල නොසිටියහොත් එම ආයතන ප‍්‍රධානීන්ට එරෙහිව නීතිමය ක‍්‍රියාමාර්ග ගන්නා බවත් හෙතෙම කියා සිටියේය.

මෙයට අමතරව එලෙස නිරෝධාන නීති කඩකරන පුද්ගලයන් සම්බන්ධයෙන් රුපියල් පනස්දාහක දඩ මුදලක්ද පැනවීමට හැකි බව හෙතෙම කියා සිටියේය. නිරෝධාන නීති කඩකරන්නන්ට එරෙහිව ඉදිරියේදී දැඩි ක‍්‍රියාමාර්ග ගන්නා බව ද පොලිස් මාධ්‍ය ප‍්‍රකාශකවරයා කියා සිටියේය. ව්‍යාජ සේවා කැදවීමේ ලිපි යොදා ගනිමින් විශාල පිරිසක් කොළඹ නගරයට මැයි 31 වැනිදා ඇතුළු වී ඇති බවට පොලිසියට තොරතුරු ලැබී ඇතැයි ද හෙතෙම සඳහන් කළේය.

Related posts

දිස්ත්‍රික්ක 5ක මැතිවරණ පෙරහුරු වැඩසටහන් කිහිපයක් අද

colombotoday

අලිවත්තේ අසිත මාට්ටු

colombotoday

අයවැය දෙවැනි වර කියවීමේ විවාදය හෙට

Admin

ලෝක විවාහක රූ රැජින කැරොලයින් ජූරි සහ චුලා පද්මේන්ද්‍ර අත්අඩංගුවට

colombotoday

“අපි දෙන්න දැන් හොදට ගැළපෙනව“ – රතන හිමි සමග රාජිතත් එක්වෙයි

colombotoday

අපට මඟක් ඇත (නොහොත් ලංකාවට මරුකටෙන් ගැලවිය හැකිය): අංක 1

colombotoday