ඊයේ (12) දහවල් උරගස්මන්හන්දිය ප්‍රදේශයේ දී පොලිසියේ වෙඩි ප්‍රහාරයට ලක්ව පලාගිය වරෙන්තුකරුවෙක් අද(13)දින පොලිස් අත්අඩංගුවට පත්ව තිබේ.
ඒ පාළු නිවසක සැඟව සිටියදී ය.
ඊයේ දහවල් වරෙන්තුකරුවෙකු අත්අඩංගුවට ගැනීමට පොලිස් නිලධාරින් කණ්ඩායමක් උරගස්මන්හන්දිය ප්‍රදේශයට ගොස් ඇත.
එහිදි යතුරුපැදියෙන් පැමිණි වරෙන්තුකරු නවතා පොලිස් නිලධාරින් ඔහු අත්අඩංගුවට ගැනිමට උත්සාහා දරා තිබු බව සඳහන් ය.
එම අවස්ථාවේදි පොලිස් නිලධාරින් සමග අදාළ පුද්ගලයා පොර බදා ඇති අතර එය වැළැක්වීමට අසල සිටි පොලිස් සැරයන්වරයා අහසට වෙඩි 02ක් තබා තිබේ.
අහසට වෙඩි තැබුවත් වරෙන්තුකරු මෙල්ල නොවීම හේතුවෙන් ඔහුගේ පාදයට පොලිස් නිලධාරින් වෙඩි තබා ඇතැයි, උසස් පොලිස් නිලධාරියෙක් සඳහන් කරයි.
කෙසේ වෙතත් වරෙන්තුකරු පාදයට වෙඩි වැදී සිටියදී පළාගොස් තිබිණ.