එක්‌සත් ජාතීන්ගේ ප්‍රඥප්තියේ ප්‍රධාන වගන්තියක්‌ උල්ලංඝනය කිරීම සම්බන්ධයෙන් මානව හිමිකම් කොමසාරිස්‌ සෙයිද් රාද් හුසේන්ට එරෙහිව යුරෝපා මානව හිමිකම් අධිකරණය හමුවේ නඩුවක් ගොනු කිරීමට විදෙස්ගත ශ්‍රී ලංකාවේ කණ්‌ඩායමක්‌ තීරණය කර ඇත.
ශ්‍රී ලංකාවේ අභ්‍යන්තර කටයුතුවලට මැදිහත් වෙමින් ඔහු ප්‍රඥප්තියේ 13.2 වගන්තිය බිඳදමා ඇති බවට එම පැමිණිල්ල ඉදිරිපත් වේ.
මේ සඳහා විදේශ විනිසුරුවරුන් තිදෙනකු සමඟ නීතිමය සාකච්ඡා පවත්වා ඇති අතර එම චෝදනාව මත මානව හිමිකම් කොමසාරිස්‌ට නඩු පැවරිය හැකි බව එම විනිසුරු කණ්‌ඩායම පැවසූ බව විදෙස්ගත ශ්‍රී ලංකා කණ්‌ඩායමේ ප්‍රකාශකයෙක්‌ පැවසීය.
මානව හිමිකම් කොමසාරිස්‌වරයකුට එරෙහිව යුරෝපා අධිකරණය හමුවේ ගොනු කෙරෙන මුල්ම නඩුව මෙය වේ.
මේ සඳහා කැනඩාව ඔස්‌ටේ්‍රලියාව, ප්‍රංශය සහ ඉතාලිය යන රටවල ශ්‍රී ලාංකික පිරිසක්‌ සහභාගි වේ.
කීර්ති වර්ණකුලසූරිය – දිවයින