අද (27) පෙරවරු 10.00 ට පාර්ලිමේන්තුව රැස්වේ.
ඒ, කතානායක මහින්ද යාපා අබේවර්ධන මහතාගේ ප්‍රධානත්වයෙනි.
හදිසි නීතිය පනවමින් ජනාධිපතිවරයා නිකුත් කළ ගැසට් නියෝගය පාර්ලිමේන්තුවේ අනුමැතිය සඳහා අද යොමු කිරීමට නියමිත ය.
අද පැවැත්වෙන හදිසි නීති නියෝගවලට විරුද්ධව ඡන්දය ප්‍රකාශ කරන බව සමගි ජනබලවේගය ඊයේ ප්‍රකාශ කළේ ය.
මේ අතර ආණ්ඩුක්‍රම ව්‍යවස්ථාවේ 22 වැනි සංශෝධන පනත් කෙටුම්පත නව සංශෝධන කිහිපයක් එක් කරමින් අද පාර්ලිමේන්තුවට ඉදිරිපත් කිරීමට සැලසුම් කර තිබේ.
ජනාධිපති රනිල් වික්‍රමසිංහ මහතා හා ආණ්ඩු පක්ෂ මන්ත්‍රීවරුන් අතර ඊයේ පැවති සාකච්ඡාවේදී ද මේ පිළිබඳ සාකච්ඡාවට ලක්ව ඇත.
මේ අතර රනිල් වික්‍රමසිංහ මහතා ජනාධිපති ධුරයට පත්වීමත් සමග පුරප්පාඩු වූ එක්සත් ජාතික පක්ෂ ජාතික ලයිස්තු මන්ත්‍රි ධුරයේ වජිර අබේවර්ධන මහතා අද පෙරවරුවේ දිවුරුම් දීමට නියමිතයි.