වැඩි මිලට සහල් අලෙවි කරන පුද්ගලයින් සොයා දිවයින පුරා වැටලීම් ආරම්භ කර තිබේ.
උපරිම සිල්ලර මිල ඉක්මවා සහල් අලෙවි කිරීම සම්බන්ධයෙන් වැටලීම් 12 ක් සිදු කළ බව පාරිභෝගික කටයුතු පිළිබඳ අධිකාරිය සඳහන් කරයි.
ඉන් වැටලීම් 03 ක් සම්බන්ධයෙන් නඩු පවරා තිබේ.
පාරිභෝගික කටයුතු පිළිබඳ අධිකාරිය මීට පෙර නිකුත් කළ ගැසට් නිවේදනයට අනුව නාඩු සහල් කිලෝග්‍රෑමයක උපරිම සිල්ලර මිල රුපියල් 220 කි.
සම්බා සහල් කිලෝග්‍රෑමයක් රුපියල් 230 ක් වන අතර කිරි සම්බා කිලෝග්‍රෑමයක් රුපියල් 260 ක් ලෙස උපරිම සිල්ලර මිලක් නියම කර තිබේ.