බ්‍රිතාන්‍ය තුළ සිටින සියළුම් මුස්ලිම් කාන්තාවන් ඉංග්‍රීසි භාෂාව ඉගෙන ගැනීම අනිවාර්ය බව බ්‍රිතාන්‍ය අග්‍රාමාත්‍ය ඩේවිඩ් කැමරන් පවසයි. ඔහු කියා සිටියේ එසේ නොමැතිවුවහොත් මුස්ලිම් කාන්තාවන් රටින් පිටුවහල් කරන බවයි.
බ්‍රිතාන්‍යයේ මව් භාෂාව වන ඉංග්‍රීසි භාෂාව නොදැන සිටීම ජනතාව අතර සැක මතුවීමට හේතුවන බැවින් මෙම තීරණය ගෙන ගත් බවයි කාන්තාව සහ භාෂාව යන මැයෙන් බ්‍රිතාන්‍යයේ පැවති සම්මන්ත්‍රණයකදී ඩේවිඩ් කැමරන් පවසා සිටියේ.
බ්‍රිතන්‍යයේ ජීවත් වනවානම් බ්‍රිතාන්‍ය ඉංග්‍රීසි සංස්කෘතියට අනුව ජීවත් විය යුතු බවත්, එසේ බැරිනම් රටින් පිටවිය යුතු බවටත් බ්‍රිතාන්‍ය අග්‍රාමාත්‍යවරයා මින් පෙර අවස්ථාවකද එරට ජීවත්වන සංක්‍රමණික මුස්ලිම් ජාතිකයන්ට අනතුරු අගවා තිබුණා.
අගමැතිවරයාගේ එම තීරණය බ්‍රිතාන්‍ය පාර්ලිමේන්තුව තුළදී ද පැසසුමට ලක්වී තිබුණු අතර බ්‍රිතාන්‍ය ජාතික ලීගය ප්‍රකාශ කර තිබුණේ බ්‍රිතාන්‍යයේ ස්වදේශික ඉංග්‍රීසි සංස්කෘතිය රැකගැනීම සදහා අගමැතිවරයාගේ මැදිහත් වීම ඉතා කාලෝචිත හා ප්‍රසංශනීය එකක් බවයි.