Colombo Today Local NewsUncategorized

ඇමෙරිකා තානාපතිනිය සහ නව විදේශ ඇමති අතර හමුවක්

ශ්‍රී ලංකාව සහ ඇමෙරිකාව අතර ද්විපාර්ශික සබදතා වර්ධනය කර ගැනීමේ අරමුණෙන් මෙරට ඇමරිකානු තානාපතිනි ඇලෙයිනා ටෙප්ලිට්ස් මහත්මිය විදේශ කටයුතු ඇමැති මහාචාර්ය ජී.එල් පීරිස් මහතා අතර හමුවක් විදේශ අමාත්‍යාංශයේ දී පැවැත්විණි.

කොවිඩ්-19 වසංගතයට එරෙහිව සටන් කිරීමට සහ එක්ස්ප්‍රස් පර්ල් නෞකාවේ ව්‍යසනයෙන් ඇති වූ පාරිසරික හා සමාජ-ආර්ථික බලපෑම අවම කිරීම සඳහා ලබාදුන් සහයෝගය පිළිබඳව එක්සත් ජනපදයට ස්තූති කළ විදේශ ඇමැතිවරයා, තවදුරටත් සහයෝගීතාව ලබාදෙන ලෙස ඉල්ලා සිටියේය.

අපනයන සංවර්ධන මණ්ඩලයේ සංවර්ධන නිලධාරීන්ට පුහුණුව ලබාදීම සඳහා අපනයන සංවර්ධන මණ්ඩලය, එක්සත් ජනපද නියෝජිතායතනය සහ ලංකා වාණිජ මණ්ඩලය අතර මෑතක දී සිදු වූ ත්‍රෛපාර්ශ්වීය සහයෝගිතා ලිපිය විදේශ ඇමැති ජී.එල් පීරිස් මහතා සාදරයෙන් පිළිගත්තේය.

ඒ මහතා ඇමරිකාවේ පෞද්ගලික අංශය මඟින් ශ්‍රී ලංකාවේ සිදුකරන ආයෝජන ද සාදරයෙන් පිළිගන්නා ලදී.

එක්සත් ජනපද – ශ්‍රී ලංකා හවුල්කාරිත්ව සංවාදය කැඳවීම, වෙළඳ හා ආයෝජන රාමු ගිවිසුම පිළිබඳ කොමිෂන් සභාව සහ එක්සත් ජනපද – ශ්‍රී ලංකා ආංශික සංවාද කැඳවීම ඇතුළුව අනෙකුත් ද්විපාර්ශ්වික කරුණු පිළිබඳව ද විස්තරාත්මකව සාකච්ඡා කෙරිණි.

කලාපීය සහයෝගිතා රාජ්‍ය ඇමැති තාරක බාලසූරිය, විදේශ ලේකම් අද්මිරාල් මහාචාර්ය ජයනාත් කොළඹගේ මහත්වරු සහ ඇමරිකානු තානාපති කාර්යාලයේ හා විදේශ කටයුතු අමාත්‍යාංශයේ ජ්‍යෙෂ්ඨ නිලධාරීහු ද මෙම හමුවට පැමිණ සිටියහ.

Related posts

ශානි අබේසේකර යළි රිමාන්ඩ්.. රට හැර ගිය නිශාන්ත සිල්වා අත්අඩංගුවට ගන්නැයි වරෙන්තු

colombotoday

මාලිමාකාරයෝ පවුල් පිටින් ඡන්දේ ඉලන්නවා

Admin

කුලියාපිටිය නගරය ඇතුළු ප්‍රදේශ කිහිපයකට සංචරණ සීමා ?

colombotoday

2009 යේ කල් ඉකුත් වූ කඳුළු ගෑස් හා CS ගෑස් උද්ඝෝෂණකරුවන්ට ගහලා

colombotoday

ලෝක සෞඛ්‍ය සංවිධානය ගෝලීය හදිසි තත්ත්වයක් ප්‍රකාශයට පත්කරයි !

colombotoday

පෙර රජවරුන් ළගවත් පල්ලිවල අසුවෙන කඩු තරම් කඩු තිබී නැහැ

colombotoday