කොළඹ වරාය ආසන්නයේ ඊයේ (18)දින රාත්‍රීයේ ජීප් රථයක් මුහුදට වැටී අනතුරට ලක්ව තිබේ.
කොළඹ වරාය පොලීසිය පැවසුවේ අලෝකය මදිකමක් හේතුවෙන් මෙම අනතුර සිදුව ඇති බවයි.
මෙලෙස අනතුරට ලක්ව ඇත්තේ රේගු දෙපාර්තමේන්තුවට අයත් ජීප් රථයක් බව පොලීසිය පැවසීය.
අනතුර සිදුව අවස්ථාවේ එම ජීප් රථය ධාවනය කර ඇත්තේ රේගුවේම රියදුරෙකු බවට ද තොරතුරු වාර්තා වේ.
අනතුරින් ජීප් රථය මීටර 15ක් පමණ ගැඹුර දියේ ගිලී ගොස් තිබේ.
අනතුරුව නාවික හමුදාව විසින් ජීප් රථය ගොඩගැනීමට කටයුතු කර තිබේ.
තුවාල ලැබූ රියදුරු ප්‍රතිකාර සදහා කොළඹ ජාතික රෝහලට ඇතුළත් කර ඇත.