කහතුඩුව සිටි ඔෆ් ලයිෆ් නිවාස සංකීර්ණය අසල දී මෝටර් රථයක් සහ යතුරැ පැදියක් ගැටීමෙන් අනතුරක් සිදුව ඇත.
14 හැවිරිදි සිසුවෙකු පැදවූ මෝටර් රථයක් 73 හැවිරිදි උපකාරක පන්ති ගුරුවරයකු පැද වූ යතුරු පැදියේ ගැටීමෙන් අනතුර සිදුව ඇති අතර ගුරුවරයා බරපතළ තුවාල ලබා වෑතර රෝහලට ඇතුළත් කර ඇති බව කහතුඩුව පොලිසිය පවසයි.
අනතුරින් පසුව සිසුවා පලාගොස් ඇති අතර පසුව නීතිඥවරයෙකු මගින් පොළීසියට භාර වූ පසු පොළීසිය අත්අඩංගුවට ගෙන ඇත.
සිසුවා සිය පියාට අයත් මෝටර් රථයේ මිතුරකු නංවාගෙන අතුරු මාර්ගයක සිට පැමිණීමේදී ප්‍රධාන මාර්ගයේ ගමන් ගත් ගුරුවරයා පැදවූ යතුරුපැදියේ ගැටී තිබූ බව පොලිසිය පවසයි.
මෝටර් රථය අධික වේගයෙන් ධාවනය කර ඇති නිසා තිරිංග ත්‍රියාත්මක නොවී මීටර් 23ක් පමණ ඉදිරියට ඇදී තාප්පයක වැදී වාහනය නතර වී ඇත.
සැකකාර සිසුවා කොළඹ ප්‍රසිද්ධ පාසලක නමවන ශ්‍රේණීයේ අධ්‍යාපනය ලබන්නෙකි.
සිසුවා කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිතය.
කහතුඩුව පොලිසිය මේ පිළිබද වැඩිදුර පරීක්ෂණ පවත්වයි.