අද ශ්‍රී ලංකාවට ලැබෙන එකම ආදායම වී ඇත්තේ රැකියා සඳහා විදේශගතව සිටින ශ්‍රී ලාංකිකයන්ගෙන් මෙරටට ලැබෙන මුදල් බව විදේශ රැකියා ඇමතිනී තලතා අතුකෝරල මහත්මිය පවසයි.
එබැවින් කාන්තාවන් මැදපෙරදිග යැවීම නතර කිරීමේ හැකියාවක් නැති බව ‘බිබිසි සංදේශය’ සමග ඇය ප්‍රකාශ කළාය.
විදේශ රැකියා සඳහා යන කාන්තාවන්ගේ වයස අවුරුදු 21 දක්වා අඩුකිරීම තුලින් වැඩි පිරිසකට අඩු වයසකින් යම් මුදලක් උපයාගෙන යහපත් ජීවිතයක් ගත කිරීමේ හැකියාව ද ලැබෙන බව ඇය වැඩිදුරටත් සඳහන් කළාය.
ශ්‍රී ලාංකීය කතුන් මැදපෙරදිග රටවලට යැවීම නතර කල යුතු බවට පසුගිය කැබිනට් මණ්ඩලයේදී සාකච්ජාවට ලක්වූ අතර වයස 21ක අඩු කාන්තාවන් මැදපෙරදිග ගෘහ සේවය සදහා යෑවීම නීතිගත කිරීම සදහා තලතා අතුකෝරල මහත්මිය ඉදිරිපත් කළ කැබිනට් පත්‍රිකාව ජනාධිපතිවරයා විසින් ප්‍රතික්ෂේප කරන ලදි.