එල්.ටී.ටී.ඊ ත්‍රස්තවාදය රට තුළ යුදමය වශයෙන් පරාජය වී තිබුණද ඔවුන්ගේ මතවාදයන් තවමත් ජාත්‍යන්තරය තුළ පරාජය වී නොමැති බව ජනාධිපති මෛත්‍රීපාල සිරිසේන මහතා පවසයි.
පශ්චාත් යුද සමයක වගකීම් නිසි පරිදි ඉටු කරමින් එම මතවාදයන් පරාජය කළ යුතු බවත්, තමන් ලෝකය පුරා රාජ්‍ය නායකයන් සමග මිත්‍ර වී මේ උත්සහා කරන්නේ එම අසීරු අභියෝගය ජයගැනීමට බවත්, බොරුව කෑගහන අවලාද කරන පුද්ගලයන් එම අසීරුතාවය නොදන්නා බවත් ජනාධිපතිවරයා පවසයි.
දෙහිවල නගර ශාලාවේ පැවති සී. වී ගුණරත්න ගුණ සැමරුම් උත්සවයට එක්වෙමින් ජනාධිපතිවරයා මේ බව කියා සිටියේය.