කොරියාවේ සෝල් අගනුවරට ඇති වූ ගංවතුරෙන් අවම වශයෙන් පුද්ගලයින් 9 දෙනෙකු මිය ගොස් නිවාස 2,800 කට පමණ හානි සිදුව තිබෙන බව විදෙස් මාධ්‍ය පවසයි.
අධික වර්ෂාපතනය හේතුවෙන් ඇතැම් වීදි සහ ගොඩනැගිලි යටවී ඇති අතර ජනතාව ගංවතුරෙන් යටවූ මහල් නිවාසවල සහ මෝටර් රථවල සිරවී තිබෙන බවද සඳහන් වේ.
සෝල් අගනුවර අවම වශයෙන් පුද්ගලයින් පස් දෙනෙකු ද, අසල්වැසි ග්යොංගි පළාතේ තිදෙනෙකු ද ගංග්වොන් පළාතේ එක් අයෙකු ද මිය ගොස් ඇති බවයි විදෙස් මාධ්‍ය වැඩිදුරටත් පවසයි.