හෙරොයින් කිලෝග්‍රෑම් 1යි ග්‍රෑම් 64ක් සමග කාන්තාවක් විශේෂ කාර්ය බළකා බුද්ධි කොට්ඨාසය විසින් අත්අඩංගුවට ගෙන තිබේ.
ඊයේ (07) සවස කොහුවල පොලිස් වසමේ රෝහල් පාර, කළුබෝවිල ප්‍රදේශයේ දී සිදුකළ වැටලීමක දී එම කාන්තාව හා හෙරොයින් තොගය සොයාගෙන ඇත.
අත්අඩංගුවට ගත් සැකකාරිය අවුරුදු 40ක් වන එම ප්‍රදේශයේ ම පදිංචිකාරියකි.
සැකකාරියගෙන් වැඩිදුර ප්‍රශ්න කිරීමේ දී වෙනත් ජාවාරම්කරුවෙකුගේ මත්ද්‍රව්‍ය මෙම සැකකාරිය හා ඇයගේ ස්වාමි පූරුෂයා විසින් බෙදා හැරීමේ කටයුතු සිදුකරන බවට අනාවරණය වී තිබේ.
සැකකාරිය අද (08)දින ගල්කිස්ස මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
පොලිස් මත්ද්‍රව්‍ය කාර්යාංශය වැඩිදුර විමර්ශන සිදුකරයි.