Colombo Today Local News

නාමල් රාජපක්ෂට තවත් තනතුරක්

ශ්‍රී ලංකා ප්‍රංශ පාර්ලිමේන්තු මිත්‍රත්ව සංගමයේ නව සභාපතිවරයා ලෙස තරුණ හා ක‍්‍රීඩා අමාත්‍ය, සංවර්ධන සම්බන්ධීකරණ හා අධීක්ෂණ අමාත්‍ය සහ ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා පත්වී තිබේ.

කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේ දී ඊයේ(06)දින පැවති නිලවරණය සඳහා වූ රැස්වීමේදී මෙම පත්කිරීම සිදුකර ඇත.

ශ්‍රී ලංකා ප්‍රංශ පාර්ලිමේන්තු මිත්‍රත්ව සංගමයේ අභිනව ලේකම්වරයා වශයෙන් පාර්ලිමේන්තු මන්ත්‍රී ඉසුරු දොඩම්ගොඩ මහතා ද උප සභාපතිවරුන් වශයෙන් පාර්ලිමේන්තු මන්ත්‍රීවරුන් වන වසන්ත යාපාබණ්ඩාර, චාල්ස් නිර්මලනාදන් සහ සෙල්වම් අඩෛක්කලනාදන් යන මහත්වරු ද තේරි පත්විය. මීට අමතරව භාණ්ඩාගාරික වශයෙන් පාර්ලිමේන්තු මන්ත්‍රී මේජර් සුදර්ශන දෙනිපිටිය මහතා ද උප ලේකම් ලෙස පාර්ලිමේන්තු මන්ත්‍රී හෙක්ටර් අප්පුහාමි මහතාද තේරි පත්විය.

ශ්‍රී ලංකාවේ ප්‍රංශ තානාපති එරික් ලැවර්තු මහතා මෙහිදී විශේෂ ආරාධිතයා වශයෙන් එක්වූ අතර පාර්ලිමේන්තුවේ මහලේකම් ධම්මික දසනායක මහතා ද මෙම අවස්ථාවට සහභාගී විය.

මෙහිදී අදහස් දැක්වූ අමාත්‍ය නාමල් රාජපක්ෂ මහතා පවසා සිටියේ ආර්ථික, සාමාජීය සහ සංස්කෘතික යනාදී සෑම අංශයකින්ම ප්‍රංශය සහ ශ්‍රී ලංකාව අතර පවතින මිත්‍රත්වය මෙම සංගමයේ සිය සභාපතීත්වය යටතේ තවදුරටත් වැඩිදියුණු කිරීමට අපේක්ෂා කරන බවයි. විශේෂයෙන්ම මෙරටට ප්‍රංශ සංචාරකයන් විශාල වශයෙන් පැමිණෙන බව පෙන්වා දුන් අමාත්‍යවරයා සංචාරක කර්මාන්තය ඇතුළු ක්ෂේත්‍ර ගණනාවක සංවර්ධනය සදහා ශ්‍රී ලංකා – ප්‍රංශ ද්වීපාර්ශවීය සබදතා ශක්තිමත් කිරීමට අපේක්ෂා කරන බවද පැවසීය.

Related posts

SAITM විරෝධයෙන්ට කොළඹ උණුසුම්… වෛද්‍ය සිසුන්ට අධි පීඩන ජලප්‍රහාර… කදුළු ගෑස් !!

colombotoday

බදියුදීන්ගේ සහෝදරයාට එරෙහි නඩුව කැඳවයි

colombotoday

නව ජනමාධ්‍ය ඇමති වැඩ භාර ගනී

colombotoday

ශ්‍රී ලංකාව ෆෙඩරල්, බුද්ධාගමේ ප්‍රමුඛස්ථානය පහළට, උතුරට වැඩිපුර මන්ත්‍රීධූර.. අලුත් ව්‍යවස්ථා කෙටුම්පත මෙන්න

colombotoday

ආපදාවට ලක්වු නෞකාවේ ඇති සියලු ඉන්ධන වර්ගවල සාම්පල ගැනීම අද

colombotoday

අද රාත්‍රී 8 සිට සදුදා උදේ 5 තෙක් මුළු දිවයිනටම ඇඳිරිනීතිය

colombotoday