රාජ්‍ය සේවකයින් සඳහා නිවසේ සිට වැඩ කිරීමේ ක්‍රමවේදයක් සකස් කිරීමට අවධානය යොමු වී ඇතැයි රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශය පවසයි.
එම වැඩපිළිවෙළ පිළිබඳව මේ වනවිට අධ්‍යයනය කරමින් ඇති අතර කඩිනමින් එය ක්‍රියාත්මක කිරීමට පියවර ගන්නා බව අමාත්‍ය දිනේෂ් ගුණවර්ධන මහතා පවසයි.
රාජ්‍ය සේවකයින්ට සේවා ස්ථානයට පැමිණීම සඳහා දැරීමට සිදුව ඇති අධික වියදම අවම කිරීම මෙහි අරමුණ බව ද අමාත්‍යවරයා පවසයි.
කෙසේ වෙතත් සෞඛ්‍ය, අධ්‍යාපන ඇතුළු අත්‍යවශ්‍ය සේවා සඳහා එම වැඩපිළිවෙළ අදාළ නොවන බව ද අමාත්‍යවරයා සදහන් කරයි.