උතුර, උතුරු මැද හා වයඹ පළාත්වල ඇතැම් ස්ථානවලට මිලිමීටර 100 ඉක්මවූ තද වැසි අපේක්ෂා කරන බව කාලගුණ විද්‍යා දෙපාර්තමේන්තුව පවසයි.
මේ අතර පවුල් 15,000 කට ආසන්න සංඛ්‍යාවක් නායයාමේ අධි අවදානම් කලාපවල දිවිගෙවන බව ජාතික ගොඩනැගිලි පර්යේෂණ සංවිධානය පවසයි.
එහි නායයාම් හා අවදානම් කළමනාකරණ අංශයේ ජ්‍යෙෂ්ඨ භූ විද්‍යාඥ ආචාර්ය ගාමිණී ජයතිස්ස මහතා පැවසුවේ, සිදුකළ ස්ථානීය පරීක්ෂණවලදී එම තොරතුරු අනාවරණ වූ බවයි.