චීනය විසින් සහල් මෙට්‍රික් ටොන් 1,000ක් මෙරට අධ්‍යාපන අමාත්‍යංශය වෙත ප්‍රදානය කරනු ලැබ තිබේ.
බාහලුම් 44කින් රැගෙන ආ මෙම සහල් තොගය මෙරට ළමුන් අතර බෙදා දීම සඳහා අධ්‍යාපන අමාත්‍යංශය වෙත ලබා දුන් බව චීන තානාපති කාර්යාලය සඳහන් කරයි.
සහල් මෙට්‍රික් ටොන් 10,000ක් පාසල් 7,900ක ළමුන් ලක්ෂ 11කගේ ආහාර අවශ්‍යතා සඳහා මාස 6ක කාලයක් ලබා දෙන වැඩ සටහනේ කොටසක් ලෙස මෙම සහල් තොගය පරිත්‍යාග කර ඇත.
තවත් සහල් තොග දෙකක් ඉදිරි සතිය තුළ ලබා දීමට නියමිත බව චීන තානාපති කාර්යාලය සඳහන් කරයි.
ඊට අමතරව, නව අවුරුද්ද සඳහා මෙරට පාසල් ළමුන් වෙත නිල ඇඳුම් ලබා දීම සම්බන්ධයෙන් ද අධ්‍යාපන අමාත්‍යංශය සමග සාකච්ඡා කරන බව චීන තානාපති කාර්යාලය වැඩිදුරටත් පවසයි.
