සංශෝධිත අධි චෝදනා පත්‍රයක් යටතේ යලි චුදිතයාට එරෙහිව නඩු විභාගයක් පැවැත්වියයුතු බව එල්ලවූ දුෂණ චෝදනා හේතුවෙන් අත්අඩංගුවට ගෙන, නඩු විභාගයකින් අනතුරුව හිටපු අමාත්‍ය ජොන්ස්ටන් ප්‍රනාන්දු නිදොස් කොට නිදහස් කිරීම පිළිබඳව නීතිඥ නාගනන්ද කොඩිතුවක්කු අදහස් දක්වමින් ප්‍රකාශ කර සිටියා.
හිටපු ජනාධිපති මහින්ද රාජපක්ෂ හරි වීරයෙක් බේරාගන්නවා වගේ එතන ගිහින් සිටි බවත් මේවා රටේ ජනතාව පිළිකුල් කරන සිද්දි බවත් ප්‍රකාශ කර සිටි නීතිඥ නාගනන්ද කොඩිතුවක්කු මෙය යුක්තිය ඉටු වීමක් නොවන බව අවධාරණය කර සිටියා. රටේ මහ ජනතාව හොදටම දන්නවා “අලි බබා සහ හොරු 40” වගේ කතාවක් මෙතන වෙන්නේ කියලා. නීතිපතිවරයා ජනතාවගේ පරමධිකාරී බලය සුරැකිය යුතු බවත් ඔහු එය නොකරන නිසා තමන් දැඩි ප්‍රහාරයක් එල්ල කල බවත් සඳහන් කර සිටියා.