දෙමළ ජාතික සන්ධානයේ (TNA) සාමාජිකයකු වීම එල්ටීටීඊ සංවිධානයේ සාමාජිකයකු වීමට සමාන බවට කැනඩාවේ ෆෙඩරල් අධිකරණයක් විසින් තීන්දු කර ඇතැයි වාර්තා වේ.
ඉන්දියාවේ සිට කැනඩාවට ගිය විජයරත්නම් සීනියන් නම් ශ්‍රී ලාංකිකයකු කැනඩාවේ සරණාගත තත්ත්වය ඉල්ලා ෆෙඩරල් අධිකරණයට අභියාචනයක් ගොනු කර තිබුණු අතර ඒ සම්බන්ධයෙන් විනිසුරුවරයා දුන් තීන්දුවෙහි මේ බව සඳහන් වේ.
විජයරත්නම් සීනියන් මහතා දෙමළ ජාතික සන්ධානයේ (TNA) සාමාජිකයකු බව මෙහි දී සඳහන් කර ඇති අතර ඔහුගේ අභියාචනය සලකා බැලූ ෆෙඩරල් අධිකරණය එහි දී සඳහන් කර ඇත්තේ දෙමළ ජාතික සන්ධානය (TNA) යනු එල්ටීටීඊ සංවිධානයේ දේශපාලන ව්‍යාපාරය බවයි.
එබැවින් එල්ටීටීඊය ත්‍රස්ත සංවිධානයක් බවට නම් කර ඇති හෙයින් එහි දේශපාලන ව්‍යාපාරය වන දෙමළ ජාතික සන්ධානයේ සාමාජිකයකු වීම එල්ටීටීඊ සංවිධානයේ සාමාජිකයකු වීමට සමාන බවට අධිකරණය තීන්දු කර ඇති අතර ඔහුව කැනඩාවේ රැකවරණය ලබා දීමට නුසුදුසු අයකු බවට තීන්දු කර තිබේ. මේ අනුව විපක්ෂ නායක ආර්. සම්බන්දන් මහතා ද ත්‍රස්ත නායකයකු බව එම අධිකරණයෙහි පිළිගැනීම බවට පත්ව තිබේ.