Colombo Today Local News

තත්වය බරපතලයි.. උතුරේ සන්නද්ධ කණ්ඩායම් නැගිටිනවා – බුද්ධි අංශ අනතුරු අගවයි

awaa affnaදිනෙන් දිනම ඉහළ යමින් තිබෙන උතුරු පළාතේ තිබෙන පාතාල සන්නද්ධ කණ්‌ඩායම්වල ක්‍රියාකාරීත්වය මර්දනය කිරීමට කටයුතු නොකළහොත් ඉදිරියේදී බරපතළ තත්ත්වයන්ට මුහුණදීමට සිදුවනු ඇතැයි බුද්ධි අංශ අනතුරු අඟවයි.

විශේෂයෙන්ම “ආවා ගෲප්” නමැති පාතාල කණ්‌ඩායම සිය ක්‍රියාකාරකම් ඉහළ දමා තිබෙන බව පොලිස්‌ ආරංචි මාර්ග කියා සිටියි.

මන්නා පිහිවලින් සහ කඩුවලින් සන්නද්ධව යතුරුපැදිවලින් ගොස්‌ විවිධ අපරාධ සිදුකිරීම නිසා ආවා ගෲප් කල්ලිය යාපනය පුරා භීෂණය පතුරුවා හරිමින් සිටිති.

යාපනය චුන්නාකම් ප්‍රදේශයේදී පොලිස්‌ නිලධාරීන් දෙදෙනකු කපා කොටා තුවාල කරනු ලැබුවේ තම කල්ලිය විසින් බවත් එය සිදුකරනු ලැබුවේ විශ්වවිද්‍යාල ශිෂ්‍යයන් දෙදෙනකු ඝාතනය කිරීමට එකට එක කිරීමක්‌ ලෙස බවත් කියමින් ආවා ගෲප් කල්ලිය යාපනය නගරය පුරා අත් පත්‍රිකා බෙදාහැර තිබිණි.

ආවා ගෲප් කල්ලිය අත් පත්‍රිකා බෙදූ බව කියන සිද්ධිය පොලිසිය ප්‍රතික්‍ෂේප කරන අතර ඔවුන් පවසන්නේ යාපනය ප්‍රදේශයේ ජනතාව භීතියට පත්කිරීමට සංවිධානාත්මක පිරිසක්‌ මෙම ක්‍රියාව සිදුකර ඇති බවයි.
මේ සම්බන්ධයෙන් ඉහළ පෙළේ පරීක්‍ෂණයක්‌ මේ වන විට ආරම්භ කර ඇති බව උතුරේ ජ්‍යෙෂ්ඨ පොලිස්‌ නිලධාරියෙක්‌ කියා සිටියේය. කෙසේ වෙතත් පොලිසිය පවසන්නේ සරසවි ශිෂ්‍යයන් දෙදෙනාගේ මියයැමේ සිද්ධිය සම්බන්ධයෙන් උතුරේ පවතින උණුසුම පහව ගිය පසු මෙම සන්නද්ධ පාතාල කල්ලි මර්දනය කිරීම සඳහා දැඩි ක්‍රියාමාර්ග ගන්නා බවයි.

යාපනය චුන්නාකම් ප්‍රදේශයේදී පොලිස්‌ නිලධාරීන් ඉලක්‌ක කර සන්නද්ධ පිරිසක්‌ ප්‍රහාරය එල්ල කළ බව කියන සිද්ධිය පොලිසිය විසින් ප්‍රතික්‍ෂේප කරන අතර ඊට සම්බන්ධ අපරාධකරුවන් අත්අඩංගුවට ගැනීමට පරීක්‍ෂණ ක්‍රියාත්මක කරන බව ද පවසයි.

දිවයින

Related posts

පාතාලයෙන් උදෙන්ම වෙඩි තැබීමක්

Admin

ගතවූ පැය 24 තුළ බස්නාහිර පළාතේ දී සැකකරුවන් 376ක් අත්අඩංගුවට

colombotoday

(Video) අත්අඩංගුවට ගත් හිලෑ අලි පැටියෙකුගේ කකුල් කඩලා, අලි සම්පත විනාශ කරන්න NGO සමග ඇමතිත් වැඩ – හීලෑ අලි ඇතුන් සුරැකීමේ සංවිධානය

colombotoday

“ඉන්දු – ලංකා ගිවිසුම ගැහුවොත් පරම්පරා ගාණක් අමාරුවේ.. අපිත් විරුද්ධයි“ – හෙළ උරුමය

colombotoday

“අපේ ස්ථාවරයේ වෙනසක් නෑ.. ජාත්‍යන්තර යුද අපරාධ පරීක්ෂණයක් ඕනමයි” – TNA

colombotoday

මුස්ලිම් විවාහ නීති සංශෝ්ධනයට අගමැතිගේ අවධානය !!

colombotoday