ඇතැම් පුද්ගලයින් රටේ පාලන බලය ලබා ගැනිමට සිදුකරන විවිධ ක්‍රියාකාරකම් හේතුවෙන් වර්තමානයේ රට භාරකාරයෙක් නොමැති තත්ත්වයකට පත්ව ඇතැයි කෘෂිකර්ම අමාත්‍ය දුමින්ද දිසානායක මහතා පවසයි.
2020 වන තෙක් මේ රට පාලනය කිරීමට ආණ්ඩුවට වගකීමක් ඇති බවත් නමුත් ප්‍රාදේශීය සභා මැතිවරණයක ප්‍රතිඵල සමඟ ජනාධිපතිවරයා හෝ ආණ්ඩුව කිසි විටෙකත් කලබල විය යුතු නොවන බවත් අමාත්‍යවරයා කියා සිටී.
අනවශ්‍ය බලපෑම් කිරීම තුළින් රට කිසි විටෙකත් ඉදිරියට නොයන බවත් අද වන විට සිදුව ඇත්තේ එය බව ද ඔහු සඳහන් කරයි.
අමාත්‍යවරයා මේ බව සදහන් කළේ අනුරාධපුර දිස්ත්‍රික්කයේ වගා හානි වු ගොවින් සඳහා වන්දි ප්‍රදාන උත්සවයකට එක්වෙමිනි.