Colombo Today Local News

විධායකය අහෝසි කරන ජවිපෙ යෝජනාව පිටුපස අගමැති රනිල්…

විධායක ජනාධිපති ධුරය අහෝසි කිරීමේ යෝජනවා ජනතා විමුක්ති පෙරමුණ විසින් ඉදිරිපත් කරනුයේ අගැමැති රනිල් වික්‍රමසිංහ මහතාගේ උවමනාව මත බව පිවිතුරු හෙළ උරුමය පවසයි.

පිවිතුරු හෙළ උරුමය මූලස්ථානයේ අද පැවති මාධ්‍ය හමුවක් අමතමින් එහා ප්‍රධාන ලේකම් උපුල් විජේසේකර මහතා මේ බව කියා සිටියේය.

එහිදී අදහස් දක්වමින් ඔහු මෙසේද කියා සිටියේය.

විධායක ජනාධිපති ක්‍රමය අහෝසි කරමු කියන යෝජනාව ඉදිරිපත් කරන්නේ ජනතා විමුක්ති පෙරමුණ වුණත් එහි පිටුපස ඉන්නේ අගමැති රනිල්. රට විකිණීම වගේම මහ බැංකු වංචාව වගේ සොරකම් වලටත් විධායක ජනාධිපතිකම බාධාවක් වුණා.  ඉතිරි අවුරුදු එකහාමාරේ බාධාවකින් තොරව බටහිර න්‍යාය පත්‍රය ක්‍රියාත්මක කරන්න තමයි විධායක ජනාධිපති ක්‍රමය අහෝසි කරන්න කතා කරන්නේ.

අපිට ජනාධිපති සිරිසේන රකින්න කිසිම උවමනාවක් නෑ.  මතු පරම්පරාවට රට රැක දෙන්න නම් විධායක ජනාධිපති ධූරය තවදුරටත් පවතින්න ඕනෑ කියන මතයේ තමයි පිවිතුරු හෙළ උරුමය විදහට අපි ඉන්නේ. මේ රටට තිබෙන එකම ආරක්ෂාව තමයි මේ විධායක ජනාධිපති ක්‍රමය. මේ විධායක ජනාධිපති ක්‍රමය කවුරුහරි කෙනෙක් අහෝසි කරන්නට උත්සහ කරනවානම් පිවිතුරු හෙළ උරුමය පක්ෂයක් විදිහට පැහැදිළිවම එයට විරෝධය පලකරනවා.

2009 සිට මේ දක්වාම සංධානයේ ප්‍රතිපත්තිය වුණේ විධායක ජනාධිපති ක්‍රමය සුරැකීමයි.  කිසිම සාකච්ඡාවකින් තොරව හදිස්සියේම මේ ක්‍රමය අහෝසි කරන්න තීන්දු කරන්න කාටවත් බෑ.  මේ පිළිබඳ ඒකාබද්ධ විපක්ෂය තුලත් රට තුලත් විද්වත් සංවාදයක් අවශ්‍යයි.   මන්ද විධායක ජනාධිපති ධූරය නිසා මේ රට ආරක්ෂා වූ අයුරු අපි ඉතිහාසයේ දැක තිබෙනවා. හදිසියෙන් වගේ මේ පිළිබද තීන්දු තීරණ ගන්න අපි කිසිවෙකුටවත් ඉඩ තියන්නේ නෑ.   ජනාධිපති නීතිඥ මනෝහර ද සිල්වා මැතිතුමා වගේ නීති විශාරදයින් ආචාර්ය දයාන් ජයතිලක මැතිතුමා වගේ දේශපාලන විද්‍යාඥයින් විධායක ජනාධිපති ක්‍රමයට පක්ෂව දක්වන කරුණු සැලකිල්ලෙන් අවධානයට යොමු කරන්න කියලා අපි සියළුම මන්ත්‍රිවරුන්ගෙන් ඉල්ලා සිටිනවා.

මේක අගමැති රනිල්ගේ තවත් ගැටයක්.  ඒ ගැටයට හසු වෙන්න එපා කියලා අපි සමස්ත ජාතියෙන්ම ඉල්ලා සිටිනවා. ඒ වගේම මේ පිළිබද දැඩි අවධානයකින් ඉදල රටට කරන්න යන මේ වින්නැහිය පිළිබද රට දැනුම්වත් කරන්න පිවිතුරු හෙළ උරුමය සමග එකතු වන්න කියන ඉල්ලීම කරනවා.

Related posts

අගමැතිගෙන් ප්‍රශ්න නොකර හදන බැඳුම්කර වාර්තාව බාගෙට පිළිස්සු කේක් ගෙඩියක් – දප්පුලද ලිවේරා

colombotoday

මඩකලපුවෙන් අත්බෝම්බ 24ක් සොයා ගැනේ

colombotoday

හිටපු ජනපතිනිය රටබීමහලකට ගොඩවෙයි… ඡායාරූප අන්තර්ජාලය කළඹයි !! (Photo)

colombotoday

රටට ආදරයක් නැති මිනිහෙක්.! ෆොන්සේකාගේ චෝදනා ගැන හිටපු ජනපති කියයි (Video)

colombotoday

සජිත්ගේ ගෝලයෝ කොටියෙක් මරා දත් ගලවයි.. යහපාලන අවකෙළි තව ඉවසනු බෑ, වනජීවී ලොක්කා ගෙදර යයි

colombotoday

බැසිල් රාජපක්ෂට පාර්ලිමේන්තු එන්නැයි, ඉල්ලීමක්

colombotoday