මේ වන විට පාර්ලිමේන්තු මන්ත්‍රිවරුන්ට ලංසු වශයෙන් ඉදිරිපත් කර ඇති මොනර කොළවලට අගමැතිවරයාට එරෙහි විශ්වාසභංගයට බලපෑමක් කිරීමට නොහැකි වුවහොත් අගමැතිවරයාට අද රාත්‍රියේ ගෙදර යන්නට සිදුවන බව ඒකාබද්ධ විපක්ෂයේ පාර්ලිමේන්තු මන්ත්‍රි විමල් වීරවංශ මහතා පැවැසීය.
විශ්වාසභංගය අනිවාර්යය ජයග්‍රහණය ගැන කිසිදු සැකයක් නැති වුවද මොනර කොළ රැගෙන මන්ත්‍රිවරුන්ගේ ගෙවල් අවට සැරිසරන ජීප් රථවලින් බේරිල්ලක් නැති බව හෙළිවී ඇතැයිද වීරවංශ මහතා ප්‍රකාශ කළේය.
විමල් වීරවංශ මන්ත්‍රිවරයා මෙම අනාවරණය කළේ ඊයේ (3දා) පස්වරුවේ කොළඹ විජේරාම මාවතේ පිහිටි හිටපු ජනාධිපති මහින්ද රාජපක්ෂ මහතාගේ නිල නිවෙසේ පැවැති ඒකාබද්ධ විපක්ෂ පාර්ලිමේන්තු කණ්ඩායම් රැස්වීම අවසානයේ මාධ්‍ය වෙත අදහස් දක්වමිනි