ලබන ජනවාරි මස පළමු වැනි දින සිට අධිකරන ක්ෂේත්‍රයේ වැටුප් වැඩිකිරීමට පියවර ගන්නා බව අධිකරණ හා විදේශ රැකියා ඇමතිනී තලතා අතුකෝරාළ මහත්මිය කියා සිටී.
සියලුම විනිසුරුවරුන්ගේ, නීතිපති දෙපාර්තමේන්තුවේ සහ නීති කෙටුම්පත් දෙපාර්තමේන්තුවේ නිළධාරීන්ගේ වැටුප් මෙලෙස වැඩි කිරීමට නියමිතය.
නෛතික කටයුතු, දූෂණ විරෝධී හා මාධ්‍ය පිළිබඳ පාර්ලිමේන්තු ආංශික අධීක්ෂණ කාරක සභාව විසින් කරන ලද යෝජනාවකට අනුව මෙම වැටුප් වැඩි කිරීම සිදුකර තිබේ. අදාළ වැටුප් වැඩි කිරීම සඳහා කැබිනට් පත්‍රිකාවට ද අනුමැතිය හිමිවී ඇති බව අමාත්‍ය තලතා අතුකෝරාල මහත්මිය වැඩිදුරටත් පැවසීය.