මෙරට රැදවුම් භාරයේ සිටින පුද්ගලයන් හමුවී ඔවුන් සාකච්ඡා කිරීමට පැමිණි එක්සත් ජාතීන්ගේ රදවා ගැනීම් පිළිබද ක්‍රියාකාරී කණ්ඩායම මෙරට දින කිහපය සංචාරයකින් පසුව ඊයේ කොළඹදී මාධ හමුවක් පැවැත්වූවා.
රටවල් පහක විශේෂඥ සාමාජිකයන් පස් දෙනෙකුගෙන් සමන්විත මෙම පිරිස මාධ්‍ය හමුවේදී කොටි සැකකරුවන් වෙනුවෙන් සෘජුවම පෙනී සිටිමන් කියා සිටියේ රැදවියන්ගේ පුද්ගලික නිදහසට බලධාරීන් ගරු කර නැති බවයි.
මේ වන විට රක්‍ෂිත බන්ධනාගාර ගත කර සිටින හිටපු නාවික හමුදා මාධ්‍ය ප‍්‍රකාශක කොමදෝරු ඩී.කේ.පී. දසනායක මහතාට වී ඇති අසාධාරණය සම්බන්ධයෙන් පැමිණිල්ලක් බාර දීම සදහා ඔහුගේ දියණිය එම ස්ථානයේ රැදී සිටියද ඇයගේ පැමිණිල්ල බාර නොගෙන ඔවුන් පිටත්ව ගියේය.
තම පැමිණිල්ල බාර නොගත්තේ කොටි වෙනුවෙන් කරන ලද පැමිණිල්ලක් නොවන නිසා බවද ඇය එහිදී මාධ්‍ය අමතමින් කියා සිටියාය.
ඩී.කේ.පී. දසනායක මහතාගේ දියණිය එම ස්ථානයෙන් පිටව යන තුරු මාධ්‍ය සාකච්ඡාව පැවති ස්ථානයට තුලට වි සිටි එක්සත් ජාතීන්ගේ නියෝජිත පිරිස ඇය පිටව යෑමෙන් පසුව එම ස්ථානයෙන් එළියට පැමිණියේය.