එල්.ටී.ටී.ඊ. සංවිධානය වෙනුවෙන් උපවාස කොට ජිවිතක්ෂයට පත්වු එල්.ටී.ටී.ඊ. සංවිධානයේ දේශපාලන අංශයේ නායකයෙකු වු ආර්. ප්‍රදීපත් නොහොත් අමිර්තලිංගම් දිලීපන් වෙනුවෙන් සැමරුම් ස්මාරකයක් ඉදිකිරීමට උතුරු පළාත් සභාවේ යෝජනාවක් සම්මත වී තිබේ.
උතුරු පළාත් සභාවේ දෙමළ ජාතික සන්ධාන මන්ත්‍රීවරුන් යෝජනා කර ඇත්තේ උතුරේ ජනතාවගේ ස්වාධීනත්වය වෙනුවෙන් දිවිදුන් අයකු සේ සැලැකෙන දිලීපන්ගේ ස්මාරකය යාපනය නල්ලූර් ප්‍රදේශයේ ඔහු මියගිය ස්ථානයේ ඉදිකිරීමටය.
පසුගිය පළාත් සභා සැසි වාරය පැවැත්වු අවස්ථාවේදී පළාත් සභා සභාපති සි.වි.කේ.ශිවඥානම් මහතා විසින් පළාත් සභාව වෙත අදාළ යෝජනාව ඉදිරිපත් කර ඇති අතර පළාත් සභාවේ දෙමළ ජාතික සන්ධාන මන්ත්‍රීවරුන් ඊට එකඟතාවය පළකර ඇත.