බලහත්කාරයෙන් අතුරදන් කිරීම්වලින් සියලු තැනැත්තන් ආරක්‍ෂා කිරීම සඳහා වූ ජාත්‍යන්තර සම්මුති පනත් කෙටුම්පත ඉදිරියේදී යළි පාර්ලිමේන්තුවේ විවාද කර අනුමැතිය ලබා ගන්නා බව සභානායක ඇමැති ලක්‍ෂ්මන් කිරිඇල්ල මහතා ඊයේ (06) විශේෂ ප්‍රකාශයක් සිදු කරමින් කියා සිටියේය.
සභාපතිවරයා සඳහන් කර සිටියේ අදාළ පනත් කෙටුම්පත පාර්ලිමේන්තුවට ඉදිරිපත් නොකර ඉල්ලා අස් කරගත් බවට දිනපතා පුවත්පතක (06දා) පළව තිබූ ප්‍රවෘත්තිය අසත්‍යයක් බවයි. පනත් කෙටුම්පත පාර්ලිමේන්තුවට එදින ඉදිරිපත් නොකළද, න්‍යාය පුස්තකයේ ඇතැයිද හෙතෙම එහිදී වැඩිදුරටත් පෙන්වා දුන්නේය.
මෙම ජාත්‍යන්තර ප්‍රඥප්තියට ශ්‍රී ලංකාව එකගවීමෙන් යුද ජයග්‍රහණයට දායක වූ හමුදා නිලධාරීන් හා නායකයන් ජාත්‍යන්තර අධිකරණයට ඉදිරිපත් කිරීමේ හැකියාව ලැබෙන බැවින් එම පනත ගෙන ඒම සුදුසු නැති බව තෛනිකායික මහා නාහිමිවරුන් පසුගියදා රජයට දන්වා සිටියහ.