ඉන්දියාව, චීනය හා සිංගප්පූරුව සමඟ වන නව නිදහස් වෙළඳ ගිවිසුම් සම්බන්ධයෙන් වන සාකච්ඡා මේවසර අවසන් වන විට අවසන් කරන බව සංවර්ධන උපායමාර්ග හා ජාත්‍යන්තර වෙළඳ අමාත්‍යංශ්‍ය මලික් සමරවික්‍රම මහතා කැබිනට් මණ්ඩලයට දැනුම්දී තිබේ.
අදාළ සාකච්ඡා සඳහා ආර්ථික කළමනාකරණය පිළිබඳ අනුකමිටුව විසින් නම දෙනෙකුගෙන් යුත් වෙළඳ සාකච්ඡා කමිටුවක් පත්කර ඇත.
ඒ අනුව එම කමිටුව මේවන විට චීනය සමඟ සාකච්ඡා වට හයක්, සිංගප්පූරුව සමඟ සාකච්ඡා වට 4ක් පවත්වා ඇතැයි වාර්තා වේ.
මෙම සාකච්ඡා ඉන්දියාව සමඟ “ආර්ථික හා තාක්ෂණික සහයෝගිතා ගිවිසුම” (එට්කා) පවත්නා නිදහස් වෙළඳ ගිවිසුම විස්තීරණ වෙළඳ ආර්ථික සහයෝගිතාවක් දක්වා පුළුල් කිරීමටත්, චීනය – 2014 වර්ෂයේදී ආරම්භ කරන ලද “ චීන ශ්‍රී ලංකා නිදහස් වෙළඳ ගිවිසුම සම්බන්ධයෙන් හා සිංගප්පූරුව සමඟ සිංගප්පූරු ශ්‍රී ලංකා නිදහස් වෙළඳ ගිවිසුම ඇති කර ගැනීම සඳහාත් පවත්වා ඇතැයි පැවසේ.