ආපදා තත්ත්වය හේතුවෙන් වසා දැමුණු බස්නාහිර පළාතේ සියලු පාසල් අද විවෘත කෙරෙනවා.
සබරගමුව පළාතේ වසා ඇති පාසැල් අතුරින් රත්නපුර දිස්ත්‍රික්කයේ පාසල් 14 ක් හෙට දිනයේ විවෘත කෙරෙන අතර සෙසු සියලු ම පාසල් අද විවෘත කරන බව පළාත් අධ්‍යාපන ලේකම් මහින්ද එස්. වීරසුරිය මහතා සඳහන් කළා.
ඇලපාත ප්‍රාදේශීය ලේකම් කොට්ඨාශයේ පලාවෙල දෙමළ , වේරගම සුනන්ද සහ පලාවෙල ප්‍රාථමික යන විද්‍යාලයන් ද, අයගම ප්‍රාදේශීය ලේකම් කොට්ඨාශයේ සිංහලගොඩ, පිඹුර, විතානගම, අයගම ධම්මානන්ද ප්‍රාථමික, පල්ලේකඩ, ගලතුර යන විද්‍යාලයන් සහ අයගම රාහුල ම.ම විද්‍යාලය ද, නිවිතිගල ප්‍රාදේශීය ලේකම් කොට්ඨාශයේ කිරිබත්ගල, පාරවත්ත දෙමළ සහ පෑබොටුව යන විද්‍යාලයන් ද, කලවාන ප්‍රාදේශීය ලේකම් කොට්ඨාශයේ කලවාන දෙමළ විද්‍යාලය ද යන විද්‍යාලයන් හෙට විවෘත කෙරෙනු ඇති.
මේ අතර මාතර දිස්ත්‍රික්කයේ පාසල් බහුතරයක් අද විවෘත කෙරෙන අතර ආපදා මධ්‍යස්ථාන ලෙස පවත්වාගෙන යන පාසල් හා හානි වූ පාසල් අද විවෘත කෙරෙන්නේ නැහැ.