දිවයින පුරා පැවති වෛද්‍ය වැඩවර්ජනයත් සමග අසාධාරණයට පත්වූ රෝගීන් වෙනුවෙන් නොමිලේ ප්‍රතිකාර කිරීමට මාළඹේ නෙවිල් ප්‍රනාන්දු පෞද්ගලික රෝහලෙන් තීරණය කර තිබුණා.
ඊයේ දිනයේ මෙලෙස පැමිණි රෝගියෙකුට දුන් ප්‍රතිකාරයක් සමාජජාල මාධ්‍යන්වල බොහෝ සෙයින් කතාබහට ලක්ව තිබෙනවා.
එනම් පොල් ගෙඩිය හිස මත වැටීම නිසා ප්‍රතිකාර සඳහා රැගෙන ආ රෝගියෙකුට ලබාදීමට සුදුසු නැති ‘ටැමඩෝල් ‘ නම් බෙහෙතක් ලබාදී නැවත එම රෝගියාව කොළඹ ජාතික රෝහලට එවීමේ සිද්ධියක් සම්බන්ධයෙනුයි.
මෙවැනි අනතුරකට භාජනය වූ රෝගියෙක් හට කිසිසේත් ට්‍රැමඩෝල් ලබානොදෙන අතර එය ලබාදීමෙන් රෝගියා මත් ගතියට පත්වන බවත් එමගින් මොලයට වන හානිය තීරණය කරන්න බැරි බවත් මොලේ ඇතුලට ලේ යනවාද නැද්ද යන්න තීරණය කරන්න අසීරු බවත් පැවසෙනවා.
මාළඹේ නෙවිල් ප්‍රනාන්දු පෞද්ගලික රෝහලේ ලොව ඉහළම සීටී ස්කෑනර් සහ එම් ආර් අයි ස්කෑන් තිබෙන බව පැවසුවත් මෙලෙස මෙම රෝගියාව මාරු කර යවා ඇත්තේ අදාළ පරීක්ෂණ වාර්තා ලබාගැනීමට බවත් වාර්තාවනවා.
මහජනතාව අපහසුතාවයට පත්වන මෙවන් අවස්ථාවක දී මාළඹේ නෙවිල් ප්‍රනාන්දු රෝහල නොමිලේ ප්‍රතිකාර කිරීම අගය කළ යුතු වුවද මෙවැනි අත්වැරදීම් ඉදිරියේදීවත් සිදු නොවීමට ඔවුන් වගබලා ගත යුතුයි.
