සෝමාලියානු මුහුදු කොල්ලකරුවන්ගේ ග‍්‍රහණයට ගෙන තිබූ ඒරීස් 13 නෞකාව සහ එහි කාර්ය මණ්ඩලය නිදහස් කර තිබේ. කිසිදු කප්පම් ඉල්ලීමකින් තොරව ඔවුන් නැව නිදහස් කර තිබෙන බව විදෙස් මාධ්‍ය වාර්තා පවසයි.
“සෝමාලියානු ව්‍යාපාරිකයෙක් මෙම නැව කුළියට ලබාගෙන ඇති බව දැනගැනිමත් සමග අප කප්පම් ඉල්ලීමකින් තොරව එය නිදහස් කළා“ යැයි කොල්ලකරුවෙක් රොයිටර් පුවත් සේවය සමග පවසා තිබේ.
මේ අතර මුහුදු කොල්ලකරුවන් සහ සෝමාලියානු ආරක්‍ෂක අංශ අතර ඊයේ පස්වරුවේ අවස්ථා කිහිපයකදී වෙඩි හුවමාරු සිදුවුණා.
කෙසේවෙතත් නෞකාව වෙත වෙඩි ප‍්‍රහාර එල්ල කිරීමෙන් වළකින්නැයි ශ්‍රී ලංකා රජයට ද සෝමාලියානු රජය හරහා එරට ආරක්‍ෂක අංශ වෙත දැනුම්දීමක් සිදුකර තිබුණා.
ශ්‍රී ලංකා රජයේ දැනුම්දීමෙන් පසු සෝමාලියානු ආරක්‍ෂක අංශ තමන් රැදී සිටි නෞකාව වෙත වෙඩි ප‍්‍රහාර එල්ල කිරීම නතර කළ බවයි කාර්ය මණ්ඩල නිලධාරී දිලීප නිශාන් රණවීර මාධ්‍ය වෙත සදහන් කළේ.