Colombo Today Local News

ඉරණතිව් හි කොවිඩ් මළ සිරුරු භූමදානයට දූපත්වාසීන්ගේ විරෝධතාවයක්

කොරෝනා ආසාදිත මළ සිරුරු කිළිනොච්චිය ඉරනතිව් දූපතේ වළදැමීමට ගෙන ඇති තීරණයට විරෝධය පළ කරමින් එම දූපත්වාසීන් අද (03) දිනයේ විරෝධතාවයක නිරත වීමට සැලසුම් කර තිබේ.

කොරෝනා ආසාදිත මෘත ශරීර වළ දැමීම සඳහා ඉරනතිව් දූපත හඳුනාගෙන ඇති බවට ඊයේ (02)දින පැවති කැබිනට් තීරණ දැනුම්දීමේ මාධ්‍ය හමුවේ දී කැබිනට් ප්‍රකාශක අමාත්‍ය කෙහෙළිය රඹුක්වැල්ල මහතා සඳහන් කළේය.

ඊට විරෝධය පලකරමින් අද දිනයේදී ඉරණතිව් දූපත්වාසීන් විරෝධතාවක් සැලසුම් කර තිබේ.

ඉරණතිව් දූපතේ මේ වන විට පවුල් 108කට අයත් පුද්ගලයින් 335 දෙනෙකු වාසය කරන අතර ඔවුන්ගේ ප්‍රධාන ජීවනෝපාය වන්නේ ධීවර කර්මාන්තය යි.

යුද්ධයෙන් අනතුරුව 2017 වසරේ දී දුෂ්කරතා රැසක් හමුවේ එම දූපත්වාසීන් සිය ජීවිකාව සිදුකරමින් පවතී.

කෙසේවෙතත් මේ දක්වාත් දූපතේ කිසිදු පුද්ගලයෙකු කොරෝනා ආසාදිතයෙකු ලෙස හඳුනාගෙන නොමැති අතර කොරෝනා ආසාදිතව මිය යන පුද්ගලයින්ගේ සිරුරු තම දූපතේ භූමදානය කිරීමට තමන් දැඩි විරෝධයක් දක්වන බව ඔවුන් පවසති.

Related posts

කොළඹ – පුත්තලම මාර්ගය අවහිර කරමින් විරෝධයක්

colombotoday

ඥාණසාර හිමිගේ චීවරය ගලවා සසුනට නිගා කරාට එරෙහිව රට පුරා විරෝධතා…

colombotoday

වෛරස් උණට දකුණේ තවත් දරුවන් දෙදෙනෙක් බිලි… සබරගමු, බස්නාහිර පළාත්වලටත් පැතිර යෑමේ අවදානමක්

colombotoday

බදුර්දීන්ට එරෙහි විශ්වාසභංගයට බැසිල්ගේ විරෝධය….

colombotoday

රටම බලා සිටි ගැසට් නිවේදනය නිකුත් වෙයි…

colombotoday

“ඉන්දියාවට අමුඩ ලේන්සු වික්කත් අපි ගොඩ..ETCA වාසිය අපටයි“ – එස්.බී

colombotoday