රුපියල් 2000 දීමනාව හිමිනොවූ පුද්ගලයින්ට ඒ සඳහා අභියාචනා ඉදිරිපත් කිරීමට අවස්ථාව ඇතැයි, ආර්ථික පුනර්ජීවනය හා දරිද්‍රතාව තුරන් කිරිම සඳහා වන ජනාධිපති කාර්ය සාධන බලකාය සඳහන් කරයි.
එම බලකාය සඳහන් කළේ , දිවයිනේ බොහෝ ප්‍රදේශවල මේ වනවිට ආදායම් අහිමි වූ පුද්ගලයින්ට රුපියල් 2000 දීමනාව ලබා දෙමින් ඇති බවය.
රුපියල් 2000 දීමනාව ලබා දීම අවසන් කළ ප්‍රදේශවල ජිවත්වන, ආදායම් අහිමි වූ නමුත් මෙතෙක් එම දීමනාව නොලැබී ඇත්නම් ඒ පිළිබඳ අභියාචනා ප්‍රාදේශිය ලේකම් වෙත ඉදිරිපත් කළ හැකිය.
සෙසු ප්‍රදේශවල රුපියල් 2000 දීමනාව ලබා දීම කඩිනමින් ක්‍රියාවට නැවීමට පියවර ගෙන ඇති බව ද, ආර්ථික පුනර්ජීවනය හා දරිද්‍රතාව තුරන් කිරිම සඳහා වන ජනාධිපති කාර්ය සාධන බලකාය සඳහන් කළේය.