නව ආණ්ඩුක්‍රම ව්‍යවස්ථා මෙහෙයුම් කමිටුවේ අතුරු කමිටු වාර්තාවෙන් මෙරට සියල්ලන් ශ්‍රී ලාංකිකයන් ලෙස දක්වා තිබීමත් දෙමළ ජනතාවට වෙන් කොට නොදක්වා තිබීමත් සම්බන්ධයෙන් උතුරු පළාත් ප්‍රධාන අමාත්‍ය සී.වී. විග්නේෂ්වරන් විරෝධය පලකර ඇත.
ඔහුගේ සභාපතිත්වයෙන් යුත් දෙමළ මහජන සභාව නිවේදනයක් නිකුත් කරමින් මේ බව ප්රකාශ කර ඇත.
එළිදැක්වූ අතුරු වාර්තාව මගින් සියල්ලන් ශ්‍රී ලාංකිකයන් ලෙස දක්වා ඇතත් දෙමළ ජනතාවගේ අයිතිවාසිකම් පිළිගැනීමට ලක්කර නැතැයිද එහි දැක්වේ. මේ නිසා දෙමළ ජනතාව වෙනම කොටසක් සේ සලකා නව ව්‍යවස්ථාව සකස් කළ යුතු අතර, දෙමළ ජනතාවගේ ස්වෛරීභාවය තුළින් මෙම ගැටලුවට විසඳුම් සෙවීම තුළින් පමණක් මෙරට සාමය ඇති කිරීමට හැකි බවත්, නව ව්‍යවස්ථාව සකස් කිරීමේදී ජාත්‍යන්තර ප්‍රජාවගේ මැදිහත්වීමක්ද අපේක්ෂා කරන බවත් අදාළ නිවේදනයේ වැඩිදුරටත් සඳහන්ව ඇත.