මුල්ලේරියාව – හිඹුටාන ප්‍රදේශයේ නිවසකින් කුෂ් මත්ද්‍රව්‍ය නිපදවන ශාක 33ක් තලංගම දූෂණ මර්දන අංශය විසින් අද(26)දින සොයා ගෙන තිබේ.
තෙමහල් නිවසක ඉහළ මාලයේ විශේෂිත කුටියක මෙම කුෂ් මත්ද්‍රව්‍ය නිපදවන ශාක වගා කර තිබියදී සොයා ගෙන ඇත.
වායු සමීකරණ යන්ත්‍ර සවි කර නියමිත උෂ්ණත්වය පවා පවත්වාගෙන යමින් අදාළ කුටියේ මෙම ශාක වගා කර තිබූ අතර, එම නිවස ඉදිකිරීම් සිදු කරන පුද්ගලයෙකුට අයත් බවට හෙළි වී තිබේ.
43 හැවිරිදි එම සැකකරු සහ අදාළ නිවසේ වගා කරන ලද ශාක තොගය වැඩිදුර පරීක්ෂණ සඳහා තලංගම දූෂණ මර්දන අංශය විසින් මුල්ලේරියාව පොලීසියට භාර දී තිබේ.