අමෙරිකාවේ නව ජනපති ලෙස තේරී පත්වූ ඩොනල්ඩ් ට්‍රම්ප් හා රුසියානු ජනාධිපති ව්ලැඩ්මිර් පුටින් අතර දුරකථන සංවාදයක් සිදුව තිබේ.
විදෙස් වාර්තා පවසන ආකාරයට මේ දෙදෙනාගෙන් කවර පාර්ශවය දුරකථන ඇමතුම සඳහා මුලපිරුවේදැයි නිශ්චිතව තහවුරු වී නැත.
මැතිවරණ ව්‍යාපාරයෙන් ලද ජයග්‍රහණය ගැන රුසියානු ජනාධිපතිවරයා ඩොනල්ඩ් ට්‍රම්ප්ට සුබපතා ඇති බව එම වාර්තා අනාවරණය කළේය.
තමාට ලබාදුන් සහයෝගය අගය කරන බව එහිදී ඩොනල්ඩ් ට්‍රම්ප් රුසියානු ජනපතිට පවසා ඇතැයි සඳහන්ය.
එසේම දෙදෙනා අතර කඩිනම් හමුවක් සිදුවිය යුතු බවත්, ඒ සඳහා දිනයක් පසුවට නියම කර ගැනීමට ද ඔවුන් එකඟ වී ඇති බවත්, වාර්තා වෙයි.
බැරැක් ඔබාමා පාලනය යටතේ රුසියාව සමග බිඳ වැටුණු මිත්‍රශිලි සබඳතා තර කර ගැනීමට ඩොනල්ඩ් ට්‍රම්ප් සුදානමින් සිටින බවද එම වාර්තා අනාවරණය කරයි.