මිනුවන්ගොඩ ඕපාත ප්‍රදේශයේ නිවසක් තුල දී තියුණු ආයුධයකින් කපා තම බිරිඳ ඝාතනය කර සැමියා ගෙල වැලලාගෙන මිය ගොස් තිබියදී අද (03)දින අලුයම සිරුරු සොයා ගත් බව මිනුවන්ගොඩ පොලිසිය පවසයි.
තියුණු කැපුම් තුවාල ලබා නිවසේ කාමරයක ඇඳක් මත මිය ගොස් සිටි 38 හැවිරිදි තිදරු මවක් වූ ඉරේෂා ඉවන්ති කුමාරි සහ නිවසේ සාලයේ ගෙල වැලලාගෙන මිය ගොස් තිබු 43 හැවිරිදි ලියන ආරච්චිගේ ශාන්ති සුරංජිත් යන දෙදෙනා ගේ මළ සිරුරු පොලිසිය සොයා ගෙන තිබේ.
මිය ගොස් සිටින දෙදෙනා අතර නිතර නිතර ආරවුල් ඇති වී ඇති බවත්, ඔවුන් අතර වූ ආරවුලකදී දියණියන් දෙදෙනා සමග එම බිරිඳ ඇගේ මවගේ නිවසට ගොස් සිටි බවත්, සැමියා ඇයව එහි සිට සිය නිවසට රැගෙනවිත් ඇති බවත් පොලිස් පරීක්ෂණවලදී අනාවරණය වී ඇතැයි මිනුවන්ගොඩ පොලිසිය වැඩිදුරටත් සදහන් කළේය.
සිද්ධිය සම්බන්ධයෙන් මහෙස්ත්‍රාත් පරීක්ෂණය අද (03)දින පැවත්වීමට නියමිතය.